Абай облысы Бестерек ауылында төрт баланың қаза болуына себеп болған жол апаты бойынша сот шешімі шықты. Кінәлі деп танылған жүргізушіден марқұм балалардың ата-анасына 50 миллион теңге моральдық өтемақы өндірілмек.

Сот материалдарына сәйкес, апат кезінде жүргізушінің эпилепсия ұстамасы ұстап, салдарынан көлікті басқара алмай қалғаны анықталған.

Жаза тағайындау барысында сот ер адамның кінәсін мойындауын, сондай-ақ асырауында кәмелетке толмаған баласының барын жеңілдететін мән-жай ретінде ескерді.

Нәтижесінде жәбірленуші тараптың азаматтық талап арызы қанағаттандырылып, жауапкерге 50 миллион теңге төлеу міндеттелді. Үкім әзірге заңды күшіне енген жоқ