Алматы облысында жол-көлік оқиғасы тіркелді. Көксай ауылындағы Арай көшесінде жаяу жүргіншілер өткелі арқылы өтіп бара жатқан баланы автокөлік қағып кеткен.

Оқиғадан кейін зардап шеккен бала анасымен бірге өз бетімен №1 қалалық балалар ауруханасына жеткізілген. Баланың жағдайы дәрігерлердің бақылауында.

Жол-көлік оқиғасы сәті бейнебақылау камерасына түсіп, әлеуметтік желілерде тарады.

Полиция департаментінің мәліметінше, бала толық сауығып шыққаннан кейін сот-медициналық сараптама тағайындалады. Сараптама қорытындысына сәйкес, көлік жүргізушісіне қатысты тиісті процессуалдық шешім қабылданады.