Астанада түнгі клубтардың бірінің маңында орын алған қайғылы жағдай қоғамда үлкен резонанс тудырды. Әлеуметтік желілерде тараған ақпаратты қала полиция департаменті ресми түрде растады.
Құқық қорғау органдарының мәліметінше, адам өліміне алып келген қасақана ауыр дене жарақатын салу дерегі бойынша сотқа дейінгі тергеу амалдары басталған. Оқиғаға қатысы бар деген күдікпен екі азамат ұсталып, уақытша ұстау изоляторына қамалды.
Алдын ала деректерге сәйкес, жанжал алдымен сөз таласына ұласып, кейін төбелеске, соңы пышақ қолданумен аяқталған. Осыған байланысты Астана қалалық полиция департаменті тұрғындарды ойын-сауық орындарында қоғамдық тәртіпті сақтауға, арандатушылық пен жанжалдан барынша аулақ болуға шақырды.