22 желтоқсанда түнгі уақытта Алматы қаласында әлсіз жер сілкінісі тіркелді. Бұл туралы Қазақстанның Ұлттық деректер орталығы хабарлады.

Мәліметке сәйкес, жер сілкінісі 2025 жылғы 22 желтоқсанда Астана уақытымен сағат 02:16-да болған. Жерасты дүмпуінің эпицентрі Қытай аумағында орналасқан, магнитудасы – 5 балл.

Сейсмологтардың бағалауынша, жер сілкінісі Алматыда шамамен 2 балл деңгейінде сезілген. Қала аумағында қираған ғимараттар мен зардап шеккендер туралы ақпарат тіркелмеген.

Айта кетейік, бұған дейін 4 желтоқсанда да алматылықтар жер сілкінісін сезінген болатын. Ол кезде эпицентр Қытайда орналасып, мегаполисте дүмпу 3 баллға жеткен. Төтенше жағдайлар қызметі сол жолы да қауіптің болмағанын мәлімдеген еді.