Бүгін түнде Жамбыл және Түркістан облыстарының тұрғындары, сондай-ақ Шымкент қаласында жер дүмпуі сезілді. ҚР Төтенше жағдайлар министрлігінің мәліметінше, дүмпулер 6 қазан күні сағат 01:29-да (Астана уақытымен) тіркелген.

Жер сілкінісінің эпицентрі Қырғызстан аумағында, Алматыдан оңтүстік-батысқа қарай 465 шақырым жерде болған. Магнитудасы — 5,9, тереңдігі — шамамен 10 шақырым.

Сейсмологтардың дерегінше:

• Тараз, Сарыкемер және Бауыржан Момышұлы ауылында жер сілкінісі 4 баллға,

• Шымкент, Қаратау және Сайрам қалаларында 3 баллға,

• Түркістан, Жетісай және Сарыағаш өңірлерінде 2 баллға дейін жеткен.

Қазіргі уақытта маңызды инфрақұрылым нысандары қалыпты жұмыс істеуде. Қираулар мен зардап шеккендер туралы ақпарат түскен жоқ.