Шымкентте жүргізуші өз автокөлігін 12 қабатты тұрғын үйдің төбесіне шығарып, дрифт жасаған сәттер әлеуметтік желілерде тарады. Оқиға қоғамда үлкен резонанс туғызды. Бұл жайтқа қатысты қалалық полиция департаменті түсінік берді.
Полиция мәліметінше, тәртіп бұзушы анықталып, дереу ұсталған.
Департаменттің баспасөз қызметі хабарлағандай, жүргізуші автокөлікті көпқабатты үйдің шатырына шығарып, әдейі қауіпті маневрлар жасаған. Оның әрекеті айналадағы адамдардың өмірі мен денсаулығына нақты қауіп төндірген.
«Әлеуметтік желілерде тараған бейнематериалдарға байланысты тексеру жүргізілді. Нәтижесінде құқық бұзушы 10 тәулікке әкімшілік қамаққа алынды, ал автокөлік айыптұраққа қойылды», – делінген полиция мәлімдемесінде.
Құқық қорғау органдары мұндай жауапсыз әрекеттер ауыр салдарға әкелуі мүмкін екенін ескертіп, заң бұзушылықтың әрбір фактісі қатаң түрде тоқтатылатынын атап өтті.
DALAMEDIA admin
9
0