Әлеуметтік желілерде Тараздағы интернаттардың бірінде түсірілген видео тарап, қоғамда үлкен резонанс тудырды. Кадрда бірнеше ұлдың қызды әжетхана кабинасына сүйреп кіргізіп, есікті іштен жапқаны анық байқалады. Біраз уақыттан кейін қыздың үстіне киімін киюге тырысқанын, ал жанында басқа балалардың топтасып тұрғаны көрінеді.

Анықталғандай, видеодағы 1–2 сынып оқушылары. Жергілікті пабликтерде жарияланған видео жұртшылықтың ашу-ызасын тудырып, желі қолданушылары кінәлілерді жауапқа тартуды талап етті.

Жамбыл облыстық білім басқармасының хабарлауынша, бұл оқиға биылғы жылдың 5 сәуірінде көпбалалы және әлеуметтік жағдайы төмен отбасылардың балалары оқитын интернатта болған. Алайда мектеп басшылығы болған жағдайды жасырып, құзырлы органдарға хабар бермеген.

Посмотреть эту публикацию в Instagram

Публикация от DalaMedia (@dalamedia.kz)

Жамбыл облысының балалар құқықтары жөніндегі уәкілі Даурен Багжановтың айтуынша, қазіргі таңда қыз балаға қажетті психологиялық көмек көрсетілуде. Сондай-ақ ол басқа мектепке ауыстырылған.