Таразда қоғамдық көлік аялдамасында белгісіз ер адамдар қызды күштеп көлікке отырғызып әкеткен сәт куәгерлердің камерасына түсіп қалды. Видеода қыздың жанұшыра қарсыласып, қашуға тырысқаны, ал айналадағы адамдардың оны қорғауға әрекеттенгенімен, тоқтата алмағаны анық көрінеді. Көлік оқиға орнынан тез арада кетіп қалған.

Жамбыл облысының полицейлері жедел түрде оқиғаға қатысы бар барлық адамдарды анықтап, жауап алды. Тексеру барысында қыз бен ер адамдардың бір-бірін танитыны және өзара шағымдарының жоқтығы белгілі болды. Соған қарамастан, полиция оқиға бойынша ҚР Қылмыстық кодексінің 125-бабы - «Адам ұрлау» бойынша қылмыстық іс қозғады.

Айта кетейік, 2025 жылғы 16 шілдеден бастап Қазақстанда қалыңдықты ұрлауға қатысты жаңа заң күшіне енді. Ол бойынша мұндай әрекет енді жеке қылмыс ретінде қарастырылып, қатаң жазаланады.