«Biz Birgemiz» қорының негізін қалаушы Перизат Қайрат жазасын өтейтін мекемеде өз қабілетіне сай жұмысқа орналастырылады. Бұл туралы Ішкі істер вице-министрі Абай Қайырбеков мәлімдеді.
Вице-министрдің айтуынша, сотталған әйел мекемеге жеткізілген соң, мамандар оның дағдысы мен біліктілігін анықтап, соған сәйкес еңбек орнын ұсынады.
«Қай салаға бейім екенін анықтаймыз. Егер кәсіби білімі болмаса, оқытамыз. Тігін цехында, шаруашылық бөлімінде немесе басқа да бағыттарда жұмыс істеу мүмкіндігі бар», — деді Қайырбеков.
Қажет болған жағдайда Перизат Қайрат колледжде немесе колония жанындағы курстарда жаңа мамандыққа оқытылады. Еске сала кеткйік, тергеу барысында бірқатар қызметте болған күдіктінің жоғары білімі жоқ екені анықталған еді. Яғни, өзі мәлімдеген британдық және Кэмбридж универститеттерінен диплом алмаған. Есесіне калонияда курстардан өтетін болды. Барлық сотталғандарға ең төменгі жалақы төленеді, ал табыс көлемі атқарылған жұмыс көлеміне байланысты болады.
Сонымен қатар, Қайратты анасы — Ғайни Алашбаева жазасын өтеп жатқан мекемеге бірге орналастыру мүмкіндігі де қарастырылып жатыр. Алайда, олар бір отрядта немесе бөлек бола ма — оны түзеу мекемесі қауіпсіздік талаптарына сай шешеді.
Еске салайық, бұған дейін сот Перизат Қайратты 1,5 млрд теңге көлеміндегі қаражатты жымқырды деп таныған.
Сот үкімімен Перизат Қайрат 10 жылға бас бостандығынан айырылды, ал оның анасы 7 жылға сотталып, мүлкі тәркіленді.
DALAMEDIA admin
11
0