Қазақстан билігі кезінде жемқорлардың қалтасына кеткен ақшаны медицинаға бағыттап отыр. Абай облысында жаңа ауруханалар салуға және жабдықтауға 5,6 миллиард теңге (10,4 млн доллар) бөлінді. Қаржы жемқорлардан тәркіленіп, елге қайтарылған “Арнаулы мемлекеттік қордан” алынды.
Үржар ауданында көпсалалы орталық аудандық ауруханаға қосымша корпус салынып, заманауи техникамен жабдықталады. Аягөзде дәл осындай жаңа ғимарат бой көтеріп, оған магнитті-резонансты томограф орнатылады. Үкімет нысандарды биыл қолданысқа берілуі тиіс.
«Жобалар халықтың дер кезінде әрі сапалы медициналық көмек алуына мүмкіндік береді», – делінген министрлер кабинетінің хабарламасында.
Айта кетейік, бұған дейін дәл осы қордан 2,6 млрд теңге Семейде психоневрологиялық мекеме салуға бөлінген болатын.
DALAMEDIA admin
5
0