Түркияда 27 жастағы Қазақстан азаматы жол-көлік оқиғасынан қаза тапты, ,-деп хабарлайды «Dalamedia» ақпараттық порталы.

Марқұм Кубат Аманбеков Түркиядағы бес жұлдызды қонақүйлердің бірінде бармен болып еңбек еткен. Алдын ала мәліметке сәйкес, ол велосипедпен келе жатқан сәтте такси қағып кеткен. Ауыр жарақат алған жігіт оқиға орнында жан тапсырған.

Қайғылы жағдай 8 мамырға қараған түні, шамамен сағат 03:00-де Серик ауданындағы туристік бағыттағы жолдардың бірінде болғаны айтылады. Оқиғадан кейін такси жүргізушісі түсініктеме алу үшін полиция бөлімшесіне жеткізілген.

Кубат Аманбеков Қазақстанда туған, соңғы бірнеше жыл бойы Түркияда жұмыс істеп жүрген. Қазіргі таңда оның денесі сот-медициналық сараптамаға жіберілген.