Алматы облысында жол-көлік оқиғасы салдарынан Үндістаннан келген азаматтар қаза тапты. Қайғылы жағдай 6 қаңтар күні Алматы – Бішкек автожолының 86-шақырымында болған.

Алдын ала мәлімет бойынша, Toyota Alphard маркалы автокөлікті басқарған 33 жастағы жүргізуші рульге ие бола алмай, көлік аударылған. Оқиға салдарынан жүргізуші оқиға орнында көз жұмды. Екі жолаушы ауыр жарақат алып, ауруханада қайтыс болды. Тағы үш адам түрлі дене жарақаттарымен медициналық мекемеге жеткізіліп, ем қабылдап жатыр.

Көлікте барлығы бес Үндістан азаматы болған. Олардың төртеуі — Шымкент қаласындағы Оңтүстік Қазақстан медицина академиясының студенттері, біреуі — турист. Олар Шымкент қаласынан Алматы бағытына жолға шыққан.

Аталған дерек бойынша қылмыстық іс тіркеліп, қазіргі таңда тергеу амалдары жүргізіліп жатыр.