Алматы облысында 29 қыркүйек Lexus пен Toyota Alphard көліктері қатысқан ірі жол апаты орын алды. Бұл туралы өңірлік полиция департаменті хабарлады.

Қайғылы жағдай сағат 23:50 шамасында Алматы – Бішкек тас жолының 107-шақырымында, Беріктас ауылының маңында болған. Алдын ала мәліметке сәйкес, Lexus жүргізушісі қарсы бағытқа шығып кетіп, соқтығысқан.

Салдарынан сегіз адам оқиға орнында көз жұмды. Тағы екі жолаушы түрлі жарақатпен ауруханаға жеткізілді.

Қазір аталған дерек бойынша сотқа дейінгі тергеу басталды. Полицейлер жолдағы барлық мән-жайды анықтап жатыр.

Тәртіп сақшылары жүргізушілерді жол ережесін қатаң сақтап, сақтық шараларын барынша назарда ұстауға шақырады.