Ақмола облысында тұрғын үй ауласына кіреберіс маңында қайғылы жол-көлік оқиғасы болып, жаяу келе жатқан әйел адамды жеңіл көлік қағып кетті, оқиға сәті бейнебақылау камерасына түсіп қалған,-деп хабарлайды «Dalamedia» ақпараттық порталы.

Кадрлардан көліктің автотұрақ аумағына бұрылып кіріп келе жатып, жолда жаяу келе жатқан адамды қағып кеткені анық көрінеді. Соққының салдарынан жаяу жүргінші сол жерде көз жұмған.

Ақмола облыстық полиция департаменті бұл дерек бойынша қылмыстық іс қозғалғанын мәлімдеді.

Қазіргі уақытта оқиғаның барлық мән-жайын анықтау үшін тергеу амалдары жүргізіліп жатыр.