Биыл 18-27 жас аралығындағы 21 мыңнан астам жас қазақстандық әскерге шақырылады. Олардың ішінде 11 мыңнан астамы қарулы күштер қатарында, 7 мыңға жуығы Ішкі істер министрлігінің ұлттық ұланында, шамамен 2 мың адам Ұлттық қауіпсіздік комитетінің шекара қызметінде, 400 адам Төтенше жағдайлар министрлігінде, ал 300 адам Мемлекеттік күзет қызметінде қызмет етеді.

ҚР Қарулы күштері Бас штабының ұйымдастыру-жұмылдыру жұмыстары департаментінің бастығы генерал-майор Алмас Исабеков бұл науқанның мерзімді әскери қызметке шақыруды жүйелі түрде өткізуге бағытталғанын атап өтті.