Lexus маркалы көліктегі ер адам қозғалыс кезінде пиротехникалық құралды пайдаланып, жолдағы басқа қатысушыларға қауіп төндіріп қана қоймай, түнгі уақытта тұрғындардың тыныштығын да бұзған.

Құқық қорғау органдары құқық бұзушыны тез арада анықтап, ұстады. Тергеу барысында ер адам өз әрекетін достарының туған күнін осылай құттықтау үшін жасағанын түсіндіргісі келген. Алайда полиция оның бұл әрекеті жолдағы қозғалысқа кедергі келтіріп, тұрғындардың тыныштығын бұзғанын айтып, заң талаптарына сәйкес шара қолданды.

Құқық бұзушыға бірнеше бап бойынша әкімшілік хаттамалар толтырылды: ұсақ бұзақылық, пиротехникалық құралдарды белгісіз жерде қолдану, тыныштықты бұзу және жол қозғалысы ережесін бұзу.Сот шешімімен ер адам әкімшілік қамауға алынды