Мәдениет және ақпарат министрлігі мемлекеттік туды көлікке іліп жүруге қатысты түсініктеме берді. Ведомство бұл әрекет өздігінен әкімшілік жауапкершілікке жатпайтынын мәлімдеді, — деп хабарлайды dalamedia тілшісі.
Тәуелсіздік күні әлеуметтік желілерде көлігін тумен безендірген жүргізушілердің жол полициясы тарапынан тоқтатылғаны туралы ақпарат тараған еді. Осыған байланысты ішкі істер министрлігі де мемлекеттік туды көлікке ілу заңға қайшы емес екенін растады.
Сонымен бірге ІІМ мерекелік күндері жол қозғалысы ережесін бұзып, өзгелерге кедергі келтірген жүргізушілер болғанын атап өтті. Заңсыз тоқтатулар бойынша тексеру жүргізіліп, кінәлі қызметкерлер жауапқа тартылады.
Министрлік мемлекеттік рәміздерді пайдалану заңмен реттелетінін және олардың қолданылуы белгіленген тәртіпке сай болуы тиіс екенін еске салды.
DALAMEDIA admin
10
0