Тыр жалаңаш көше кезген азамат ұсталды. Оқиғаны куәгерлер видеоға түсіріп, әлеуметтік желіге жүктеген соң кеңінен таралған. Бұл 11 ақпан күні Жамбыл облысы, Қордай ауылында болды.

Өз кезегінде полиция қызметкерлері қоғамдық тәртіпті бұзған азаматты бөлімшеге жеткізген. Өкілетті орган өкілдерінің айтуынша, «Қоғамдық орында мас күйде жүру» және «Ұсақ бұзақылық» баптары бойынша әкімшілік іс қозғалған. Іс материалдары сот қарауына жолданды.

Құқық қорғау өкілдері азаматтарды қоғамдық орындарда заң талаптарын қатаң сақтауға шақырады. Тәртіпке бағынбағандар заң алдында жауап береді.