Әнші әлеуметтік желідегі парақшасында бұрынғы жұбайы Арыстан туралы жазба жариялап, олардың қарым-қатынасына тоқталды. Оның айтуынша, екі ай бұрын ұлы үшін Арыстаннан алимент өндірген.

«Екі ай бұрын Арыстанды алиментке бердім. Бүгін ол өзінен хабарласып, өткен-кеткенге кешірім сұрады. Балаға әке ретінде қамқор болатынын айтып, барлық шығынды өз мойнына алатынын жеткізді. Сол себепті алименттен алып тастауымды өтінді», – деп жазды Мөлдір Әуелбекова.

Әншінің айтуынша, ол ұлының мүддесі үшін бұрынғы күйеуін кешірген. Екеуі алдағы уақытта баласына жақсы ата-ана болуға тырысатындарын айтып, осы шешімге келген.