Таразда кішкентай ұлын сабаған әйелден балалары алынып, арнайы балалар үйіне орналастырылды. Алайда балалардың әкесі Айдар Мамыт олармен қауышуға тырысуда,-деп хабарлайды «Dalamedia» ақпараттық порталы, КТК телеарнасына сілтеме жасап.
«Ұлым бастапқыда менімен бірге тұрды. Кейін анасы оны әкеп алды да, жағдай ушығып кетті. Мен үшін балалар бірінші орында. Қыз бен ұл екеуін де аламын», — дейді Айдар Мамыт.
Әр күн сайын ол балалар үйіне барып, оларға қамқорлық көрсетіп жүр. Осы үшін ол Қордайдан Тараз қаласына арнайы келген. Сондай-ақ ол, бұрын балалармен неге кездеспегені туралы да жауап береді.
Айта кетерлігі олардың әліде ресми некелері тіркелмеген. Желіде тараған видеода әйел ұлын соққыға жығып, үлкен қызға қатысуын бұйырғаны көрінеді. Бұл жазбалар әкесіне көрсету үшін түсірілген деп хабарланды.
Қазір анасы арнайы диспансерде, ал балалар мемлекет қамқорлығында. «Қыздың әкесінің құқығы анықталған, ұлдың әкесі әлі ресми түрде белгіленбеген. Сот шешімі шыққанша балалар балалар үйінде қалады», — дейді Тараз қалалық білім бөлімінің мамандары.
Полиция өкілдері әйелге «Кәмелетке толмаған баланы тәрбиелеу міндетін орындамау» бойынша қылмыстық іс қозғаған.
DALAMEDIA admin
8
0