Қуандық Бишімбаевтың бұрынғы жұбайы Назым Қаһарман отбасы ішінде болған күмәнді жағдайлар жайлы ашық айтып, бұрын көп айтыла бермеген жайттарды еске салды.
Оның айтуынша, соңғы уақытта болып жатқан оқиғалар Қуандықтың анасы жағынан туыстары - Нұрлыбековтер әулетімен байланысты өткен жағдайларды қайта ойға оралтқан. Назым белгілі бір тектің бар жауапкершілікті арқалап кетуін әділетсіз деп санайды.
— Тәрбие мен адам қалыптасуында ана тараптың ықпалы ерекше. Сондықтан Қуандықтың анасы жағынан туыстарын да айналып өтуге болмайды, — дейді ол.
Назым тұрмыста болған жылдары орын алған бір жағдайды мысалға келтірді. Айтуынша, бір жолы Алмира Балтабаевнаның жиені олардың үйіне қысқа уақытқа ғана келген. Сол күні Қуандықтың қолсағаты жоғалып кеткен.
— Біз күмәндандық, бірақ анасы «мұндай болуы мүмкін емес» деп қабылдамады. Араға бір жыл салып, Қуандық әлгі жиенмен Алматыда кездескенде, сағатты оның қолынан көрді, — деп еске алады Назым.
Оның сөзінше, бұл мәселені сол кезде Қуандықтың анасы мен нағашы апасы ушықтырмауды өтінген. Алайда Назым мұндай әрекеттерге туыстықпен көз жұму дұрыс емес деп есептейді.
Бұдан бөлек, ол Шымкентке барған сайын Қуандықтың әжесінің үйіне соғып жүргенін айтады. Сол сапарлар кезінде де жағымсыз жағдайлар болған.
— Сөмкемде әшекей бұйымдар мен ақша жүретін. Сол үйде жүргенде әшекейлерім жоғалып кетті, ал ақшаның жиі азайып қалатынын байқайтынмын. Мұны айтқанымда, «жиендердің бірі істеп жүрген болар» деген жауап алдым, — дейді ол.
Назым Қаһарманның айтуынша, мұндай жағдайлар бір ғана адаммен шектелмеген. Сондай-ақ ол жақында бұрынғы күйеуімен сөйлескенін, сол әңгімеде Қуандықтың анасы жағынан тағы бір туысы оны алдап кеткені белгілі болғанын жеткізді.
Санаттар
DALAMEDIA admin
