Қазақстан бірыңғай уақыт белдеуіне өткеннен кейін елдің энергожүйесінде айтарлықтай өзгерістер тіркелген жоқ. Энергетика саласының мәліметінше, уақыттың бір сағатқа жылжуы электр жүйесінің жұмысын бұзбаған: ешбір өңірде шектеу енгізілмеді, ал жүктеме деңгейі қалыпты диапазонда қалды.

Сала мамандарының айтуынша, уақыт ауысқаннан кейін байқалған жалғыз техникалық өзгеріс — кешкі ең жоғары тұтынудың алдыңғы уақытқа ығысуы. Бірақ бұл өсім таңғы сағаттардағы тұтынудың төмендеуімен толық жабылады. Яғни энергожүйенің тепе-теңдігі өзгерген жоқ.

2023 және 2024 жылдардың қаңтар–қыркүйек аралығындағы деректерді талдау электр энергиясын тұтынудың орта есеппен 4% артқанын көрсетеді.
Министрлік бұл өсімді уақыт белдеуінің ауысуымен байланыстырмайды. Негізгі себеп — халық санының ұлғаюы және экономикалық белсенділіктің артуы.

Мысал ретінде келтірілген Батыс аймағы — әкімшілік уақыт өзгермеген өңір. Мұнда да тұтыну бір жылда 10,4% өскен. Бұл мәлімет уақыт ауысуы тұтынуға айтарлықтай ықпал етпегенін көрсетеді.

Біріңғай сатып алушы тетігін енгізгеннен кейін көрші елдерден жоспарлы импорт көлемі көбейген. Бұл ең жоғары жүктеме сағаттарында тапшылықты жабуға және елдегі ірі электр станцияларында күрделі жөндеу жұмыстарын жоспарлы тәртіпте жүргізуге мүмкіндік берді.