15 қыркүйектен бастап елордада бірқатар мемлекеттік органдар мен коммуналдық қызметтердің жұмыс күні әдеттегіден ертерек басталады. Бұл туралы қала әкімдігі хабарлады.

Жаңа тәртіп бойынша әкімдік пен коммуналдық мекемелердің жұмыс күні таңғы 07:30-да, ал кейбір мемлекеттік және квазимемлекеттік ұйымдарда 07:30 бен 08:00 аралығында басталмақ.

Әкімдіктің түсіндіруінше, мұндай қадам жолдағы көлік кептелісін азайтып, таңғы уақытта трафикті бірқалыпты бөлуге бағытталған.

Сонымен қатар, әкімдік жол ережесін бұзғандарға бақылауды күшейтетінін ескертті. Дұрыс қойылмаған көліктер айыптұраққа әкетілмек.

Жаңа кестеден күтілетін нәтиже – қала көшелеріндегі негізгі магистральдардағы жүктемені азайтып, тұрғындарға қолайлы қозғалыс жағдайын жасау.