Куәгерлердің айтуынша, мас күйде болған жолаушы жүргізушіден жұмыс уақыты аяқталғанына қарамастан автобусты әрі қарай жүргізуді талап еткен. Алайда жүргізуші оның талабын орындаудан бас тартқан. Осыдан кейін екеуінің арасында сөзге келіспеушілік туып, жанжал ақыры төбелеске ұласқан.

Жанжал барысында жүргізуші пышақ жарақатын алған. Оқиға орнына полиция қызметкерлері жедел жетіп, күдікті азаматты ұстады.

Ал жарақат алған автобус жүргізушісіне сол жерде жедел медициналық көмек көрсетіліп, дәрігерлер оның жағдайын бақылауға алды. Оқиғаның мән-жайы анықталып жатыр.