Семей қаласында 41 жастағы көлік жүргізушісі мен 70 жастағы жолаушы жолда кездескен бір адамды танысына ұқсатқан. Салдарынан жол үстінде жанжал туындаған. Кейіннен полиция өкілдеріне «102» арнасы арқылы хабар жеткен. Мамандар мән-жайды анықтаған.
Оқиғаға қатысушы үшінші адам - 37 жастағы ер адамның ұлдары полицияға жүгінген. Құқық қорғау органдары жанжалды дер кезінде тоқтатқан.
Абай облыстық полиция департаменті мамандарының айтуынша, жәбірленуші тарап арыз жазудан бас тартқан. Дегенмен Mitsubishi Pajero көлігінің жүргізушісі мен жолаушысы жол қозғалысы қағидаларын және қоғамдық тәртіпті бұзғаны үшін әкімшілік жауапкершілікке тартылды.
Іс материалдары сот қарауына жолданды.
Санаттар
DALAMEDIA admin
