Биыл қазақстандық кино саласы айтарлықтай жетістіктерімен көзге түсті. Жыл ішінде отандық өндірістен шыққан 10 фильм кең прокатқа жол тартып, көрермен назарына ұсынылды. Олардың қатарында «90+1», «Тарлан», «Игроманка», «Капитан Байтасов», «Qaitadan», сондай-ақ «Алтын адам» анимациялық туындысы және басқа да фильмдер бар.

Сонымен қатар қазақстандық бірқатар картиналар халықаралық деңгейде жоғары бағаланды. «Бауырына салу», «Шатырдағы екеу», «Пряники для ее отца, моего прадеда, ее деда», «Победителей видно на старте» фильмдері АҚШ, Франция, Италия, Ресей және Қытайда өткен беделді кинофестивальдерге қатысып, 30-дан астам марапатқа ие болды. Бұл туралы Мәдениет және ақпарат министрлігінің баспасөз қызметі мәлімдеді.

Ұлттық киноны қолдау мемлекеттік орталығы өткізген конкурс нәтижесінде 16 жаңа жоба жеңімпаз деп танылып, алдағы уақытта көрерменге жол тартпақ.

Айта кетейік, мемлекеттік қолдаумен түсірілген «Qaitadan» фильмі прокатта 1 миллиард теңге табыс жинап, Қазақстан киноиндустриясындағы ең коммерциялық тұрғыда табысты жобалардың біріне айналды.