Астанада мұз үстінде қалған балықшыға шұғыл көмек көрсетілді, – деп хабарлайды «DalaMedia» ақпараттық порталы.

«102» нөміріне ер адамға көмек керек деген хабарлама түскен. Осыдан кейін полиция қызметкерлері оқиға орнына барған. 59 жастағы ер адам өзеннен балық аулап жүріп, екі қолын ойыққа саламын деп шыға алмай қалған. Құқық қорғаушылар азаматқа көмек көрсетіп, қауіпсіз аймаққа шығарған.

Ер адамды құтқарған полицейлер алғашқы медициналық көмек те көрсеткен. Оқиға орнына дәрігерлер жеткенше, азаматтың жағдайы бақылауда болған.

Құқық қорғаушылар азаматтарды барынша сақтық шараларын сақтауға шақырады. Мұз үстінде арақашықтықты сақтау, ойықтарды тым жақын қазбау, шатырда жалғыз қалмау және байланыс құралдарын қолдану ұсынылады.