Шымкент қаласындағы Асқаров пен Мәнгелдин көшелерінің қиылысында орналасқан көпқабатты тұрғын үйлердің бірінен адам мәйіті табылды. Бұл туралы оқиға орнынан «Шұғыл шақырылым» бағдарламасының тілшісі хабарлады.

Аталған дерек бойынша полиция қылмыстық іс қозғады. Қазіргі уақытта тергеу амалдары жүргізіліп, тиісті сараптамалар тағайындалған.

Шымкент қаласының Полиция департаментінің мәліметінше, оқиғаның барлық мән-жайы анықталғаннан кейін нақты процестік шешім қабылданады.

Қосымша ақпарат тергеу нәтижесіне байланысты хабарланатын болады.