Шымкент қаласының тұрғындары электросамокат мінгендерге наразы. Қала көшелерінде самокатшылар тротуармен жүйткіп, бағдаршам белгілерін елемей, жаяу жүргіншілерге жол бермейді.
Полиция рейдтер өткізіп, ереже бұзған самокаттарды айып тұрағына қойып жатыр. Бірақ тұрғындар олардың қозғалысын реттеп, пайдалану ережелерін қатайту қажет дейді.
«Электросамокаттардың саны көбейіп кетті. Көпшілігі оларды кез келген жерге тастап кетеді, арнайы тұрақтар жоқ», — дейді Шымкент қалалық полиция департаментінің инженер-технигі Нұржан Сатхан.
Балалар хирургі Ержан Байдуллаевтың айтуынша, самокатпен жүрген балалар жиі жарақат алып жатыр.
«2024 жылы 77 адам самокаттан құлап, 16-сы ауруханаға түсті. Төртеуінің бас-ми жарақаты, 12-сінде сынық тіркелген», - дейді ол.
Еліміз бойынша қаңтар-тамыз айларында электросамокат жүргізушілерін қатыстырған 153 жол апаты тіркелген. Оның 79-ы Алматыда, 38-і Астанада, 11-і Шымкентте болған.
Айта кетейік, жалдамалы самокаттарға тыйым салуды сұраған петиция ePetition.kz порталында қабылданбай, жарияланбай қалды.
DALAMEDIA admin
4
0