Түнде Түркияның Балыкесир провинциясында магнитудасы 6,1 балдық жер сілкінісі тіркелді. Табиғи апат салдарынан төрт ғимарат пен бірнеше дүкен қираған. Билік өкілдерінің мәліметінше, қаза тапқандар жоқ, және үйінді астында қалғандар туралы ақпарат түспеген.

Куәгерлердің айтуынша, жер сілкінісі кезінде тұрғындар қатты қорқып, түн ортасында үйлерінен жүгіріп шыққан. Көпшілігі бірнеше сағат өткеннен кейін де үйге қайта оралмаған.

Жер сілкінісінің дүмпулері Стамбул, Измир және Бурса қалаларында да сезілген. Ошақ Сындыргы қаласынан небәрі 10 шақырым қашықтықта орналасқан. Қазір оқиға орнында төтенше жағдай қызметтері жұмыс істеп жатыр, зақымданған инфрақұрылым тексерілуде.

Ресми мәлімет бойынша, ауыр зардап шеккендер жоқ, алайда бірнеше адам жеңіл жарақат алған - негізінен эвакуация кезінде жарақаттанғандар.

Билік өкілдері апат салдарын бағалап, қауіп деңгейін анықтауда. Қауіпсіздік мақсатында зардап шеккен аудандардағы мектептер уақытша жабылды.

Айта кетейік, бұл - соңғы 48 сағатта Түркияның батыс бөлігінде тіркелген екінші жер сілкінісі, сондықтан жергілікті тұрғындар мен туристер арасында алаңдаушылық артып отыр.