Өткен аптада Шымкент қаласында 300-ге жуық электрсамокат айыптұраққа әкетілді. Пайдаланушылар көліктерін көшенің қақ ортасында тастап кетіп отырған.
Полиция дерегінше, тұрғындар ретсіз қойылған самокаттарға жиі шағымдануда. Олар жаяу жүргіншілерге де, көлік қозғалысына да кедергі келтіреді. Осыған байланысты тәртіп сақшылары тұрақты түрде рейд жүргізіп жатыр.
Ішкі істер министрлігі қала тұрғындарының қауіпсіздігі басты назарда екенін атап өтіп, электрсамокат мінушілерді көлікті ұқыпты әрі жауапкершілікпен пайдалануға шақырды.
Айта кетейік, жуырда Алматыда кәмелетке толмағандар самокатпен кетіп бара жатып, нәресте отырған арбаны қағып кеткен болатын. Осы оқиғадан кейін сенаторлар айыппұлды жүргізушілерге емес, кикшеринг компанияларына салуды ұсынды.
DALAMEDIA admin
6
0