Елордада 8 наурыз — Халықаралық әйелдер күні қарсаңында қала тұрғындарына Ұлттық ұланның Ерлер хоры ерекше мерекелік тосынсый жасады,-деп хабарлайды «Dalamedia» ақпараттық порталы.

Әскери әртістердің орындауындағы әндер мен көңілді бағдарламалар аруларға ерекше қуаныш сыйлады. Сахнада нәзік жандыларға гүл шоғын ұсынып, жылы сөздер айтып, мерекелік көңіл-күйге бөледі. Қатысушылар әуен мен әннің үндестігінде мерекенің шынайы атмосферасын сезінді.

Ерлер хорының мүшелері әйелдерді мерекемен құттықтап, әрбір келушіге шынайы ықыласын білдірді. Көпшілігі бұл тосынсыйдан алған әсерін айтып, өз ризашылықтарын жеткізді.

Мерекелік көңіл-күй елордалық әйелдердің жүзінен байқалды. Көптеген келушілер мұндай сәттердің дәстүрге айналғанын айтып, мерекенің ерекше есте қаларлық екенін атап өтті.