Қазақстан Республикасының Тәуелсіздік күні қарсаңында Алматы қаласында жастардың қатысуымен ауқымды патриоттық флешмоб ұйымдастырылды. Ел тәуелсіздігінің алтын бесігі саналатын мегаполисте өткен бұл шара мерекелік іс-шаралар легінің бір бөлігі болды.

Акцияның ерекшелігі — мемлекеттік Туды пайдалана отырып ұйымдастырылған флешмобтың алғаш рет мұз айдынында өтуі. Қатысушылар үлкен көк Туды алып жүріп, Қазақстан Республикасының Әнұранын бірлесіп орындады. Сонымен қатар қала тұрғындары мен қонақтарына шағын тулар таратылды.

Патриоттық шара Алматыдағы Арбат алаңында және Назарбаев даңғылындағы жаңа сквер аумағында өтті. Флешмобқа куә болған қала тұрғындары мен қонақтары тоқтап, көріністі фото және видеоға түсіріп, қатысушыларға қолдау білдірді.

Ұйымдастырушылардың айтуынша, бұл акция Алматы қаласында Тәуелсіздік күніне орай жоспарланған кешенді мерекелік іс-шаралардың бірі болып табылады.