Алматыда зейнеткер 1,5 келі ашытылған қырыққабат сатқаны үшін әкімшілік жауапкершілікке тартылды, – деп хабарлайды «Dalamedia» ақпараттық порталы.

Әженің сөзінше, қаржылық қиындыққа байланысты сауда жасауға мәжбүр болған. Ол үй жануарларын тамақтандыру және күнделікті шығындарын өтеу үшін қосымша табыс табуға тырысқан. Оның зейнетақысы небәрі 75 000 теңге, бұл қарапайым қажеттіліктерді толық қамтамасыз етуге жетпейді.

Учаскелік инспектор әйелге 21 000 теңге айыппұл салған. Дегенмен, әйелдің жанында сауда жасап тұрған басқа адамдарға ешқандай шара қолданылмағаны байқалады.

Видеодан полиция қызметкерінің көліктің рөлінде телефонмен сөйлескені, қауіпсіздік белдігін тақпағаны және әйелге дөрекі сөздер айтқаны көрінеді.

Алматы полиция департаменті аталған дерек бойынша қызметтік тексеріс жүргізілетінін хабарлады және құқықтық баға берілетінін атап өтті.