Қарағанды облысында полиция қызметкерлері блокпостта 45 жылқы тасымалдайтын КамАЗ-ды тоқтатып, малдың бір бөлігі ұрланғанын анықтады. Жүргізуші - Түркістан облысының 48 жастағы тұрғыны сатып алу туралы құжат көрсетіп, малдың Степногорск тұрғынынан 13,5 млн теңгеге сатып алынғанын айтқан. Дегенмен полиция құжат пен жүргізушінің әрекетін күмәнді деп тапты.

Жылқылардың шығу тегін тексеру үшін полицейлер малды фото мен видеоға түсіріп, материалдарды әртүрлі аймақтардағы шаруашылықтардың WhatsApp-чаттарына таратады. Осы арқылы Ақмола облысының фермері өзіне тиесілі 27 жылқының танып, ұрланғанын хабарлады.

Қазіргі уақытта қылмыстық іс қозғалып, алдын ала тергеу жүргізілуде. Полиция ұрланған малдың иелерін анықтау және басқа да қылмыстарға қатысы бар-жоғын анықтап жатыр.

Еске салсақ, Хромтау ауданында соңғы екі жылда шамамен 200 мал жоғалған.