Астанада полиция қызметкерлері заңсыз жұмыс істеген ет өңдеу нысанын анықтады. Тексеру барысында үш тоннаға жуық сапасы күмәнді ет өнімдері және 40-тан астам ірі қара малдың өлекселері тәркіленді. Белгілі болғандай, нысан иелері ветеринарлық және өзге де талап етілетін рұқсаттардысыз жұмыс істеген.
Полиция дерегіне сәйкес, жануарларды сою санитарлық талаптар мүлде сақталмаған өрескел антисанитарлық жағдайда жүргізілген. Жедел уәкілдер тексеру кезінде 180 қапқа салынған ет өнімдерін, жылқы, ірі және ұсақ малдың ондаған ұшасын тауып, тәркілеген. Сонымен қатар нысанда қолданылған барлық жабдық алынды.
Астана қалалық полиция департаменті криминалдық полиция бөлімінің бастығы Қуат Әлкеевтің айтуынша, қазіргі уақытта ауыл шаруашылығы жануарларын сәйкестендіру базасы арқылы тексеру жүргізіліп жатыр.
«Мал мен ет өнімдерінің шығу тегі анықталып, олардың ұрланған-ұрланбағаны да тексеріледі», – деді ол.
Құзырлы органдар аталған дерек бойынша тергеу амалдарын жалғастыруда.
Санаттар
DALAMEDIA admin
