Қасым-Жомарт Тоқаев Владимир Зеленскийді Украинаның ұлттық мерекесі – Тәуелсіздік күнімен құттықтап, украин халқына бейбітшілік пен амандық тіледі.

Украинада 24 тамызда Тәуелсіздік күні атап өтіледі. 1991 жылы осы күні Украинаның тәуелсіздігін жариялау және қазіргі мемлекеттің құрылуы туралы Акт қабылданды.

Естеріңізге сала кетейік, 10 тамызда Украина президенті Владимир Зеленский Қасым-Жомарт Тоқаевқа қоңырау шалды. Қазақстан көшбасшысы әңгімелесу барысында Астана бастапқыда әділ негізде бейбітшілік формуласын бірлесіп іздеуді жақтайтынын, БҰҰ Жарғысын сақтауды, егемен мемлекеттердің шекараларына қол сұғылмаушылықты және олардың аумақтық тұтастығын жақтайтынын еске салды.