Қорғаныс министрі Дәурен Қосанов әскери қызметке шақырудан жалтарған азаматтарға қандай жауапкершілік қарастырылғанын түсіндірді,-деп хабарлайды «Dalamedia» ақпараттық порталы.

Министрдің айтуынша, шақырту алғанымен әскери комиссариатқа келмеген азаматтардың мәліметтері ішкі істер органдарына жолданады. Осыдан кейін тиісті тексеру жұмыстары басталады.

Мұндай жағдайда әуелі, әкімшілік жауапкершілік қарастырылған. Егер заң талаптары бірнеше рет ескерілмей, міндеттен жалтару жалғаса берсе, қылмыстық жауапкершілікке тарту мәселесі туындауы мүмкін.

Бас бостандығынан айыру жазасын қолдану туралы түпкілікті шешімді сот қабылдайды.