Индонезияның Бали аралында үш күн бойы тоқтаусыз жаңбыр жауып, су деңгейі кей аймақтарда 1 метрге дейін жетті, – деп хабарлайды «Dalamedia» ақпараттық порталы.

Тасқын судың кесірінен қала көшелерін беймәлім жыландар басты. Көпшілігі ұзындығы 5 метрге жететін бұл жыландар су тасқыны кезінде азық іздеп, көшелер мен үйлерге шығып кеткен. Қауіпсіздік қызметтері тұрғындарға көшелерге шықпауға, әсіресе балалар мен үй жануарларын бақылаусыз қалдырмауға кеңес берді. Мамандардың айтуынша, жыландардың қалаға шығуы уақытша құбылыс және су деңгейі төмендегеннен кейін олар өз табиғи ортасына қайта оралады.

Жергілікті тұрғындар мен туристер тасқын судың салдарынан кей аудандарда жарық пен байланыс жүйесі бұзылғанын, азық-түлік жеткізу қиындағанын айтады. Үкімет апатқа қарсы шараларды күшейтіп, көшелерді тазалау, эвакуациялау және зардап шеккендерді қамтамасыз ету жұмыстарын ұйымдастырып жатыр. Сонымен қатар, қауіпсіздік ережелерін қатаң сақтауға, жыландармен кездесу кезінде сабырлы болуға және оларды қорқытуға болмайтынын ескертеді.

Қатты жауынның салдарынан тұрғын үйлер мен жолдар су астында қалды, бірнеше ауылдық жердегі тұрғындар мен туристер қауіпсіз аймақтарға эвакуацияланды. Жергілікті билік тұрғындарға абай болуды және көшелерге шықпауға кеңес берді.