Семей қаласында тұрғын үйлердің бірінің ауласынан жабайы жануар анықталды. Водный кентінің тұрғыны «102» нөміріне хабарласып, аула ішінде елік жүргенін айтқан.

Аталмыш тұрғын үйге, табиғатты қорғау полициясының қызметкерлері барып, жануардың сібір елігі екенін анықтады. Тексеру барысында еліктің артқы тұяғында бұрынғы жарақаттың ізі бар екенін ал, мойнында қарғыбау болған.

Мамандар жануарды әрі қарай күтіп-бағу және бақылау үшін Семей қаласының биологиялық орталығына тапсырды.Мамандардың топшылауынша елік бұған дейін адамдардың қолында өскен болуы мүмкін.

Полиция өкілдері жабайы жануарларды заңсыз ұстау қолданыстағы заңнамаға қайшы екенін ескертті. Сондай-ақ тұрғындарды жарақат алған немесе табиғи ортаға тән емес мінез-құлық көрсеткен жабайы жануарларды байқаған жағдайда, дереу полицияға немесе тиісті уәкілетті органдарға хабарлауға шақырды.