Атырау облысының Құлсары қаласында түйе аулада жүрген баланы таптап кеткен. Зардап шеккен бала жедел түрде ауруханаға жеткізіліп, қазіргі уақытта травматология бөлімінде ем қабылдап жатыр.
Жылыой ауданы әкімдігінің мәліметінше, оқиға 26 қазанда 3-шағын ауданда болған, алайда бейнежазба әлеуметтік желілерде тек 29 қазанда тараған. Кадрларда баланың түйеден қашпақ болып, сүрініп құлаған сәті және жануардың үстінен таптағаны көрінеді.
Түйе арнайы оқшауланған алаңға орналастырылды. Қазір оның иесін анықтау жұмыстары жүргізілуде.
Ветеринарлық инспекцияның мәліметінше, түйенің құлағындағы сырға Маңғыстау облысына тиесілі, бірақ ол ресми дерекқорда тіркелмеген. Мамандар жануарды тексеріп, ешқандай ауру белгілері, соның ішінде құтыру анықталмағанын хабарлады.
Қазір жергілікті атқарушы органдар мен көршілес аймақ мамандары түйенің иесін анықтау және оның қала аумағына қалай кіргенін тексеріп жатыр.
DALAMEDIA admin
4
0