Қазақстандық жұбайын қуантамын деген польшалық азамат өз ауласына киіз үй орнатып, ішін үй ретінде жабдықтаған. Баспанада демалыс және ас ішуге арнайы орын қарастырылған. Ал аулаға бассейн жасаған.

Азамат шетелде жүрген жұбайының өз ұлттық болмысын сезініп жүргенін қалапты:

«Жұбайым – қазақстандық. Сондықтан киіз үй сатып алдым. Ол қатты қуанды», – дейді ол видеоүндеуде.

Киіз үй екі қабатты етіп жасалған. Әрі екі төсек қойылған. Тұрмысқа қажеттінің бәрімен жабдықталыпты. Ал шаңырағы ашуға да ыңғайлы етіп құрастырылған.

Әлеуметтік желіде кеңінен тараған видеоға көпшілік жағымды пікірлерін жазып, жылы лебіздерін білдірген.