Актер Дархан Мұсаевтың журналист Нұрсейіт Жылқышыбайдың сұхбатына қатысты қозғалған азаматтық істе актриса әрі продюсер Дариға Бадықованың талап-арызы қанағаттандырылмады, – деп хабарлайды «Dalamedia» ақпараттық порталы.

Бұл ақпаратты сот процесінде журналистің мүддесін қорғаған заңгер Инга Иманбай мәлімдеді. Оның айтуынша, талап арызда YouTube-та жарияланған сұхбатты жалған деп тану, видеоны өшіру, кешірім сұрату, сондай-ақ моральдық зиян мен өзге де шығындарды қоса алғанда 4 миллион теңгеден астам қаражат өндіру мәселесі көтерілген.

Алайда сот бұл талаптардың барлығын негізсіз деп танып, қанағаттандырусыз қалдырды. Заңгердің сөзінше, бұл істе тараптардың жеке қарым-қатынасы емес, журналистің кәсіби қызметі мен сөз бостандығы қағидаты басты назарда болған.