Танымал қазақстандық актер Мұрат Бисембин дүниеден өтті. Қаралы хабарды оның қызы Диана Болатова растады.

Белгілі болғандай, 2025 жылдың күзінде актерге қатерлі ісік диагнозы қойылған. Ол ауыр дертпен күресіп жүрген. Мұрат Бисембин қазақ және орыс тілдеріндегі фильмдер мен телехикаяларда бірқатар басты рөлдерді сомдады. Көрерменге ол «Рэкетир» фильміндегі Руслан бейнесі, «Томирис» картинасындағы Спаргап рөлі, сондай-ақ «13 клиническая», «Ага», «Брат или брак» жобалары арқылы кеңінен танылды.

Актердің өнердегі еңбегі көрермен жадында сақталады.