Өтіп бара жатқан жыл ел өмірінде нақты өзгерістермен есте қалды. Әлеуметтік қолдау, инфрақұрылым, білім мен экономика салаларындағы нәтижелер халықтың күнделікті тұрмысында сезіле бастады.

Биыл 11 айда 16,9 млн шаршы метр тұрғын үй пайдалануға берілді. Жыл соңына дейін бұл көрсеткіш 19,1 млн шаршы метрге жетеді деп күтілуде. Мыңдаған отбасы жаңа баспанаға қол жеткізді.

Денсаулық сақтау саласында 219 жаңа нысан ашылып, медициналық көмекке қолжетімділік артты. Дәрігер тапшылығы 19 пайызға қысқарды.

Білім беру бағытында 130 жаңа мектеп іске қосылып, 220 мың оқушыға арналған орын пайда болды. Көптеген өңірде мектептегі орын тапшылығы жойылды.

Әлеуметтік қолдауға 5,9 трлн теңге бағытталып, 4,6 млн азамат зейнетақы мен жәрдемақы алды. 2026 жылдан бастап бұл төлемдер 10 пайызға өседі.

Өндірісте 33 жаңа зауыт іске қосылып, 150 кәсіпорын жаңғыртылды. Ауыл шаруашылығында 27,1 млн тонна астық жиналып, рекорд тіркелді.

Инфрақұрылым аясында 13 мың шақырым жол салынды және жөнделді. Халықтың 90 пайызы интернетпен қамтылып, ел экономикасы 6,4 пайызға өсті.