Батыс Қазақстан облысында шенеунік қаршадай қызды зорлады деген күдікке ілінді, – деп хабарлайды «Dalamedia» ақпараттық порталы «Уральская неделя» порталына сілтеме жасап.

2 қаңтар күні 57 жастағы ер адам қызды алдап үйіне шақырып, зорлық көрсеткен. Оқиғадан кейін ол полицияға арыз жазған. Күдікті ұсталып, өз кінәсін мойындаған, ал жәбірленуші оны таныған. Алайда кейін ол үйіне жіберілген.

Жәбірленуші қыздың әкесінің айтуынша, осыдан кейін күдікті тарапынан қорқыту сипатындағы хабарламалар түсе бастаған. Сондай-ақ ол істің тергелуіне қатысты алаңдаушылық білдіріп, қарапайым отбасының ықпалды тұлғаға қарсы тұруы қиын екенін айтқан.

3 қаңтар күні болған оқиға бойынша күдікті деп танылған азамат әлі қамауға алынбаған. Қылмыстық іс Шыңғырлау аудандық полиция бөлімі тарапынан Қылмыстық кодекстің 120-бабы, 3-1-бөлігі бойынша тіркеліп, тергеу жүргізілуде. Полиция өкілдерінің айтуынша, күдіктіге қатысты мәселе тергеуден соң анықталады.