Айтыс өнерінің жанашыры, ақын әрі қоғам қайраткері Жүрсін Ерман «Қазақстанның Халық жазушысы» атағына ие болды, – деп хабарлайды «Dalamedia» ақпараттық порталы.

Құрметті атақ ақынға Қасым-Жомарт Тоқаев қол қойған Жарлық негізінде берілді. Мәдениет және ақпарат министрлігінің мәліметінше, бұл марапат ұлттық әдебиет пен айтыс өнерінің дамуына қосқан елеулі еңбегі үшін табысталған.

Салтанатты марапаттау рәсімі Алматыда өткен ақынның 75 жылдық мерейтойына арналған концерт барысында өтті. Қала әкімі Дархан Сатыбалды мемлекеттік награданы табыстап, Мемлекет басшысының құттықтауын жеткізді.

Айта кетейік, Жүрсін Ерман бұған дейін «Қазақстанның еңбек сіңірген қайраткері» атағын алған. Сондай-ақ ол Мұқағали Мақатаев атындағы Қазақстан Жазушылар одағының сыйлығын екі мәрте иеленген.