Жұбаныш Жексенұлы Қытайдың Иу қаласында өткен көктем мерекесіне арналған концерттік бағдарламаға қатысты, – деп хабарлайды «DalaMedia» ақпараттық порталы Insider Kazakhstan парақшасына сілтеп.

Әнші аталмыш шараға Lionel Richie мен Джеки Чан сынды халықаралық деңгейдегі танымал әртістермен бірге қатысты. Концерт Spring Festival Gala жобасының ресми алаңында өтті.

Иу қаласы 2026 жылы алғаш рет гала-жобаның аймақтық сахналарының бірі болып таңдалды. Бұл алаң біртұтас трансляция шеңберінде өңірлік мәдениет пен қонақтардың өнерін паш етеді. Ұйымдастырушылардың айтуынша, бағдарламаға түрлі елдерден келген әртістер қатысты. Иу сахнасы халықаралық мәдени алмасу мен шығармашылық ынтымақтастыққа арналған арнайы бөлім ретінде ұсынылды.