Аялдамада тұрған 13 жастағы қызды ұрламақ болғандар қолға түсті. Тараз қаласында орын алған жағдай туралы қалалық полиция бөліміне хабар жеткен. Мәліметтерге сүйенсек, жеткіншекті белгісіз екі адам автокөлікке күштеп отырғызбақ болған. 

Оқиға орнына жеткен тәртіп сақшылары күдіктілерді ізін суытпай қолға түсірді. Қазіргі таңда олар уақытша ұстау изоляторына қамалды.

Бұл іс бойынша сотқа дейінгі тергеу басталды. Полиция оқиғаның барлық мән-жайын анықтауда. Тараз қалалық полициясының баспасөз қызметі балалардың қауіпсіздігіне қауіп төндіретін кез келген әрекет қатаң бақылауда болатынын және заң аясында тиісті шара қолданылатынын мәлімдеді.