Ақтау гарнизонындағы әскери бөлімдердің бірінде мерзімді әскери қызметші көз жұмды. Қайғылы оқиға 17 ақпанда тіркелген, – деп хабарлайды “Dalamedia” ақпараттық порталы.

Аталған фактіге байланысты Қорғаныс министрлігінің әскери-тергеу органдары сотқа дейінгі тергеуді бастады.

Оқиға орнына Қорғаныс министрінің орынбасары, Бас әскери прокурор және Ішкі істер министрлігінің Әскери-тергеу департаментінің басшысы барған. Қазір қажетті жедел іс-шаралар жүргізіліп, тиісті сараптамалар тағайындалды.

Процессуалдық жетекшілік ететін прокурор бекітілген. Тергеу барысы Бас прокуратураның бақылауында.

Қылмыстық-процестік кодекстің 201-бабына сәйкес іс бойынша өзге мәліметтер жария етілмейді.